快周刊訪問

七仙羽最近被記者天天跟踪，全港記者都在追問當晚，七仙羽和女友，及周汶錡未婚夫Julien的事

姐妹情路同坎坷周汶錡怒飛偷啜男

撰文 ■ 娛樂組，tvb.com　美術 ■ 梁愉

周汶錡同周麗淇呢對娛圈姐妹花，估唔到佢情路一樣咁崎嶇同坎坷，舊年妹妹俾姣佘搶仔，而姐姐又兩個禮拜前，其法籍未婚夫Julien Lepeu偷啜賈曉晨師妹張苡澂被記者撞破斷正！上星期記者趁周汶錡出席宣傳活動之際，遞上啜證，佢嚇到面容扭曲，仲叫記者俾相佢，等佢返屋企同隻佬對質，睇佢個樣黑成咁，怕且呢段四年異國情隨時玩完！ 據呢對難姐難妹閨中密友透露，去年爆出姣佘奪穎後，妹妹痛飛負心漢，搬去曼克頓山同父母住治療情傷，而身為家姐周汶錡，為安慰妹妹不時山長水遠相陪，有時仲會一齊去住所Club House健身做運動，積極裝備自己，所以今次呢單偷啜事爆出，向自視甚高又強悍家姐，覺得呢啖氣好難下，就好似當年同杜德偉分手都係因為對方花心。 難忍劈腿 估唔到佢以為老外會對伴侶坦白，點知天下男人一樣靠唔住。佢今次好Hurt同好冇面，事關撐完妹妹怒掟劈腿男時，力撐個妹分手，仲話唔可以忍咁男人，但家個老外咁，家姐仲呻話唔知係咪宿命，兩姐妹都遇人不淑。 回頭再說偷啜事件，事發地點尖沙咀一間酒吧，只見兩人狀甚熟絡同親暱，傾得興起時Julien仲忍唔住張苡澂耳邊吹氣，搞到張苡澂出掌借意推開。過10分鐘，有「Ball場風水師」七仙羽（Connie）加入，期間Connie仲同張苡澂睇掌，睇完一輪之後，三人繼續吹水，隱約聽到Connie問Julien，「Do you have girl friend?」，Julien竟向住張苡澂話「She is my gril!」，而張苡澂又冇否認，只係笑下。 過手口癮 約2粒鐘埋單走人，但兩杯到肚Julien，就一手拉張苡澂行去尖沙咀海濱公園，其間，Julien將張苡澂一攬入懷，咁瘋狂狼啜張苡澂嘴唇同面珠，半推半就下張苡澂俾Julien過一陣口癮同手癮，可能始終大街大巷，張苡澂講句「No!」，Julien又施展功，再帶張苡澂沿住梳士巴利道漫步，途中Julien使出女必殺技，買支鮮花送俾張苡澂，十足一對蜜運中情侶！之後，兩人行去文化中心附近，搵一個陰暗角落坐低談情，又捉手又摸面，先至帶張苡澂行去的士站。 及後，記者搵到張苡澂追問回應，佢口窒窒問番記者影到乜，仲強調只係普通朋友，一齊去過飲，唔係記者話俾佢知，Julien係周汶錡男友，佢根本唔知。 熱情過火 張苡澂強調：「我日冇做過主動，一直係被動，睇番轉頭佢係熱情到有過火，我好無辜，我Dragon-i識，晚係第3次見，總之家知佢有女朋友，唔會再見面，亦唔會有發展！」 周汶錡情路 憑甜美面孔與高挑身型，一直是香港當紅模特兒。雖然公開法籍男友身份，仍不時傳出緋聞及靠整容上位是非。 英文名Kathy 1974年5月20日出生，祖籍上海，香港出生，原名周文琪。殿堂級模特兒，節目主持人。04年曾為亞洲電視主持旅遊資訊節目，05年為無電視主持飲食節目《回味無窮》。現為無主持《咁至識食》。未大紅前曾與杜德偉相戀，分手後緋聞不斷，04年被拍下夜會台灣前國民黨主席連戰長子，05年與現任男友Julien Lepeu撻，06年被指酒店密會新老闆殼王陳國強，08年傳以非常手段，撬走陸詩韻男友曾文能，並獲對方出錢暗助做生意，跟法國設計師J. Maskrey合作推出自家品牌「Kathy&J」。 Julien Lepeu來頭 其父親Richard Lepeu曾是卡地亞高層，現為Richemont集團財務董事，由於父親關係，05年隨著名品牌Pianegonda來港開分店，由初時的Marketing Executive升至現時的Deputy Boutique Manager ，來頭雖不少，但初時只是租住7千元服務式住宅，跟周汶錡打得火熱後，才搬入貝沙灣同居。但其任職的首飾店（右下圖）現由3間高峰期變成一間，而位於太古廣場的分店將於本月21日結業。 張苡澂愛行性感 原名張苡澄，曾做過兼職模特兒，03年在王家衛的電影《2046》飾演梁朝偉太太而為人留意，之後曾簽約漢傳媒及陳百祥的Snazz，希望成為歌手，於06年推出處女大碟《OK Go Away》，08年獲新城勁爆新登場海外歌手獎，去年轉公司再推出《Venus》。入行多年一直毫不吝惜展示其美好身材，在其個人網頁便經常貼有自己的性感照，早前更以可愛性感為賣點，推出寫真集。