幼模 「籃球」改名催運搵老細

今期３周刊８月６日出版的，Ｐ３２頁，未點名，提到一位風水師替一位明星改名轉運的事，大家猜猜看是誰？不過我不喜歡記者用「雞翼」這個字眼。









保母回憶錄：


幼模 「籃球」改名催運搵老細




人物：「籃球」、「雞翼」


地點：香港


時間：2008年


正所謂：「唔怕生壞命，最怕改壞名」，若果個名改得唔好，隨時會有好大影響，所以唔少藝人都會改個藝名，希望星途順利、大紅大紫，好似最近熱爆全城的幼模「籃球」，波大有腦之餘，佢重非常迷信，入行前專登搵城中出名改名轉運的「雞翼」幫手，不過目的唔係大紅大紫，而係希望「客似雲來」。




搵老細賺錢


話說「籃球」自小已經非常恨錢，細細個入行做模特兒，已經有唔少人問佢價，希望可同佢一夜溫柔，不過當時年紀重細，所以佢仍然保住貞節。不過自從佢同初戀男友分手後，已經唔再係女仔，所以決定賣肉。為了可以搵到闊佬客，佢決定先入娛樂圈，可以發明星夢之餘，又可以增加埋名氣，叫做明星仔，身價都高些。 雖然「籃球」本身有樣有身材，但佢本身個名實在太過普通，好難令人印象深刻，所以名氣一直麻麻，於是佢決定改名、改運，重專登去搵城中出名幫人催運的「雞翼」改名。




改名添恩客
其實3家姐都幾佩服「籃球」的勇氣，佢見到「雞翼」已經講明改個名的目的，除了大紅大紫之外，最重要係可以多些生意，最後「雞翼」幫佢改了而家個名。有時有上東西真係唔到你唔信，自從改了名之後，「籃球」人氣急升，佢自然「生意」多了，連唔少億億聲富豪，都點名要搵佢happy，結果「籃球」亦成為富豪界中「紅牌阿姑」，短短半年佢已經搵成百萬，重有唔少富豪話想包起佢。




人紅吊高賣


「籃球」私幫生意大收旺場，其表面正職一樣時來運到，俾大型娛樂公司睇中，成為幼模之一，之後佢又出席唔少公開活動，簡直可以用豬籠入水形容。雖然3家姐最睇唔起呢種出賣自己的少女，不過3家姐亦不得不讚「籃球」的聰明。自從佢人氣急升之後，即刻少了做私幫生意，但各位唔好誤會，佢唔係轉型從良，而係吊高來賣，放風話自己唔想亂接生意，搞到佢的身價即時狂升，最近已升到幾十萬一次，但仍然有唔少富豪甘於做其恩客，3家姐又點可以唔寫個服字俾佢。